H体育 新闻> 首页 > 名报 > 成报 > 正文 >

AFC温布顿「利」开半和

2015-01-05 09:02:05点击:来源: 网络转载 反馈
导读:AFC温布顿「利」开半和英格兰足总盃一向係爆冷温床,而今晚就有场越级大战上演,当中喺英乙排名第11位嘅AFC温布顿,将会迎接排名比佢哋高72位嘅利物浦,AFC温布顿队长阿伦宾纳特表明,全队会以最大决心...

AFC温布顿「利」开半和

英格兰足总盃一向係爆冷温床,而今晚就有场越级大战上演,当中喺英乙排名第11位嘅AFC温布顿,将会迎接排名比佢哋高72位嘅利物浦,AFC温布顿队长阿伦宾纳特表明,全队会以最大决心做出一个震惊全世界嘅赛果,而红军残阵下今场要让到「-2」又似乎唔太值博,就算唔信AFC温布顿爆到冷,呢场冷吼主队守得稳半场似乎又博得过。

(周一6,now621、633及660台周二3:55am直播)

AFC温布顿喺2002年成立,今次係创会13年以来第一次打入足总盃第3圈赛事,而呢队波当年之所以创会,係因为前身嘅温布顿破产,转手后搬到米尔顿凯恩斯,一班原有嘅温布顿球迷自发组成呢队波,近年一直由最低级别打上嚟,难怪佢哋领队尼尔阿迪利都话今次杀入足总盃第3圈係球会嘅里程碑。

温布顿细场浸蛟龙

今次主场作赛嘅AFC温布顿,佢哋主场只有4,720个座位,队长阿伦宾纳特都话,佢哋每一个球员都只分得2张门票,而当中利物浦球迷就有1,000张,佢剩係烦请边个嚟睇都头痛,不过既然主场细细,红军班大帝肯定踢唔惯,呢场波随时嚟个浅水困蛟龙都唔定。

利物浦经过一个英超快车,得出来嘅结论原来冇谢拉特一场打得最精彩,之但係「神奇队长」喺被李斯特城迫和之后又宣布季尾离队,红军球迷都真係难离难捨;不过从胜负角度上睇,利迷都希望谢拉特每场打15分钟可以啦,而今场谢老四就直头停赛,球迷就更放心,而除咗队长唔打得之外,巴神都仍然未出得,不过防线上有史基迪尔坐完波监复出,加上伤癒嘅洛夫云,似乎今场红军防守力比起起攻能力更值得信赖。

红军轮换半场难赢

除咗几名伤兵唔出得之外,今场班顿罗渣士应该都会轮换得几紧要,当中场场打足嘅史达宁应该会休息,俾啲马高域多啲上阵时间,前线列基林拔今季坐多过踢,呢场点都轮到佢正选,呢个阵容可能都要攻一后时间至入到波,博个半和非无的放矢。


TAGS:

相关阅读

热点话题

热点文章