H体育 新闻> 首页 > 名报 > 东方日报 > 正文 >

01月05日推介 红军狂轰AFC温布顿

2015-01-05 10:20:39点击:来源: 网络转载 反馈
导读:抢盃为谢拉特圆梦为利物浦鞠躬尽瘁咗16年嘅谢拉特终于都要走嘞,不论係球迷定红军球员,都肯定係非常感慨。呢位「神奇队长」日前讲明希望喺临走前赢得奖盃,用冠军嚟同红军及球迷say goodbye,一班队友...

抢盃为谢拉特圆梦

为利物浦鞠躬尽瘁咗16年嘅谢拉特终于都要走嘞,不论係球迷定红军球员,都肯定係非常感慨。呢位「神奇队长」日前讲明希望喺临走前赢得奖盃,用冠军嚟同红军及球迷say goodbye,一班队友当然收到晒,周二凌晨英足盃第3圈虽然只係作客英乙嘅AFC温布顿,都会为咗佢哋尊敬嘅队长而搏到尽,全力争个足总盃冠军返嚟,今场让球主客和红军要「-2」都照捧!

(now 621、633及660周二凌晨3时55分直播)

踏入2015年,坏消息接踵而至,「时光这个坏人,偏却冷酷如许,离场慢些也不许」谢拉特不敌岁月,今季体力急速下降成为防守毒瘤,搞到英雄变负累,最终佢接受现实决定季尾离开。谢拉特嘅离开难免会令红军球员难以接受,但同时亦会激发起佢哋嘅斗心,喺下半季团结一致、拼尽全力为「神奇队长」而战,今场赛前副队长佐敦轩达臣就叫队友出尽全力赢个足总盃返嚟,等5月尾就踏入35岁嘅谢拉特收到一份最佳生日礼物!

主力担纲 巴神挂帅

利物浦领队罗渣士今场好可能会收起刚喺联赛对李斯特城踢足90分钟嘅谢拉特,但为免出现爆冷战果,罗帅应会继续派出史达宁、菲腊比古天奴、佐敦轩达臣等主力上阵,佢哋年轻有活力,有4至5日休息时间乜都够,攻力有所保证。另外急切想证明自己嘅巴洛迪利亦有望上阵,佢虽然喺英超仲未开斋,但今场对手只係乙组仔,以「巴神」嘅质素,绝对有力数胡。近期红军攻力有改善,只要佢哋认真作战,作客都可以大胜一场!

温布顿「大只仔」太慢难入波

AFC温布顿球员质素当然同红军差得远,今场爆冷希望落喺大只佬艾坚芬华,呢位32岁前锋获足球游戏《FIFA 15》评为「头号大只仔」,强壮有成97分(满分100分),不过艾坚芬华坦言喺游戏入面都唔会用自己,原因係自己实在太慢。大家都知道一个犀利嘅前锋唔係大只就得,仲要有射术、控球、速度等能力,温布顿要靠一个咁慢嘅球员入波,一个字,难!今场一于捧让球客胜!


TAGS:

相关阅读

热点话题

热点文章