H体育 新闻> 首页 > 名报 > 东方日报 > 正文 >

01月05日推介 PSG攰爆上盘牙烟

2015-01-05 10:20:50点击:来源: 网络转载 反馈
导读:今晚赛事唔多,阿King就睇中法国足总盃第9圈嘅全法甲对碰,由巴黎圣日耳门(PSG)作客蒙彼利埃,PSG状态下滑之馀,早前又远赴非洲拍跳攰爆,要让半一有啲牙烟,宁捧以逸待劳嘅蒙彼利埃下盘。(TVB 3...

今晚赛事唔多,阿King就睇中法国足总盃第9圈嘅全法甲对碰,由巴黎圣日耳门(PSG)作客蒙彼利埃,PSG状态下滑之馀,早前又远赴非洲拍跳攰爆,要让半一有啲牙烟,宁捧以逸待劳嘅蒙彼利埃下盘。

(TVB 302周二凌晨3时45分直播)

些路迪抖够力足响头炮

圣日耳门近年于法甲独大,但连夺两季联赛锦标后,高层希望喺欧联有所作为,对国内赛事嘅争胜饥渴感明显减弱,联赛首循环竟然和咗8场咁多,其中歇冬前6场赢得两场咁大把,唔单止落后榜首马赛3分,仲畀里昂过头跌落第3。上月尾PSG拉队去非洲摩洛哥同国米踢咗场热身赛赢1比0,不过舟车劳顿唔攰就假。虽然拿维斯同卡云尼未有随队赴非洲,但呢两位前锋盛传想离队,中场柏斯托尼亦因伤缺阵。蒙彼利埃近6仗只曾1败,当中包括喺上年联赛收炉日作客闷和圣日耳门,韧力十足,估唔到新年第一场又碰头,以逸待劳下再守和对手唔奇,撑蒙彼利埃下盘。

至于西甲演抢分大战,尾二嘅科尔多瓦主场对尾三CF格兰纳达,前者今季喺自己地头未赢过,后者亦有主力伊度拉停赛,双方係联赛入波最少球队,随时闷战一场,玩细盘。最后苏超独脚戏基尔马诺克主场硬撼班霸些路迪,些路迪上仗因对手巴特里主场积水要改期,变相获得休息,相反上场为基尔马诺克射入奠胜12码嘅奇治史尼达,庆祝嗰阵兴奋到跳入观众席,搞到攞第2面黄牌被逐坚无谓,今仗亦要坐波监,难挡抖到够嘅些路迪于新一年打响头炮,直取让球客胜。


TAGS:

相关阅读

热点话题

热点文章