H体育 新闻> 首页 > 名报 > 东方日报 > 正文 >

01月06日推介 拖肥颓爆等畀锤扑

2015-01-06 11:02:52点击:来源: 网络转载 反馈
导读:爱华顿喺圣诞新年快车成绩最羞家,4战全败,仲差过榜尾两队李斯特城同般尼,今晚呢班颓兵将喺英足盃第3圈主场迎战韦斯咸,「拖肥糖」防守问题多多,主场出战都信唔过,近三作客仅一败嘅「锤仔帮」受让值捧。(no...

爱华顿喺圣诞新年快车成绩最羞家,4战全败,仲差过榜尾两队李斯特城同般尼,今晚呢班颓兵将喺英足盃第3圈主场迎战韦斯咸,「拖肥糖」防守问题多多,主场出战都信唔过,近三作客仅一败嘅「锤仔帮」受让值捧。

(now 621、633、660周三凌晨3时45分直播)

近9场输7场

爱华顿上季失球只有39球,但今季踢咗半季就已经失咗33球,当中差唔多有一半失波係来自防守失误,数字冠绝欧洲五大联赛。其实「拖肥糖」上季防守唔算超强,不过强调控球嘅踢法令对手连波都掂唔到,所以失波唔多,但其他球队经过一季嘅适应期,已经知道点样破爱华顿呢招,就係屯重兵喺后防,等「拖肥糖」球员插针都插唔入,然后趁佢哋挂住进攻,暴露后防空档,三两下手脚KO「拖肥糖」。「锤仔帮」踢法硬净,曾试过用压迫踢法搞到爱华顿同市兄弟利物浦冇啖好食,今场绝对可以再嚟一次,「扑」散「拖肥糖」脆弱嘅防线!

爱华顿由去年12月开始狂输波,9场赛事输咗7场,喺联赛跌到13位,近日有传球会为咗筹钱畀领队马天尼斯增兵以防降班,愿意以4,500万镑卖走阵中王牌巴克里,无论传闻係真定假,都肯定影响军心。今场实在搵唔到理由撑「拖肥糖」,一于捧韦斯咸让球胜!


TAGS:

相关阅读

热点话题

热点文章