H体育 新闻> 首页 > 名报 > 港澳名家 > 正文 >

格尔芬 :红军重新上路 谢四有回布

2015-01-05 07:22:20点击:来源: 网络转载 反馈
导读:足总盃喜遇乙组仔
偶像全部也不倒!如果你係利物浦同叮噹嘅Fans,2015年第1日,绝对係极度难过嘅一日。不过,「The Show Must Go On」,「红军」今晚喺英格兰足总盃第3圈作客英乙球队...

足总盃喜遇乙组仔
偶像全部也不倒!如果你係利物浦同叮噹嘅Fans,2015年第1日,绝对係极度难过嘅一日。不过,「The Show Must Go On」,「红军」今晚喺英格兰足总盃第3圈作客英乙球队AFC温布顿,正式踏入「后谢拉特年代」第一步。重新上路,利记今战志在必得,即使让两球,都要撑利物浦、撑谢拉特,捧2.42倍「让客」!

(now621、633及660周二凌晨3:55直播)

相信好多利物浦球迷都唔会想像得到,「神奇队长」谢拉特会离开佢最心爱嘅球队,唔可以成为加历查之后、球会史上第9个「一世红军人」。虽然呢个消息嚟得突然、令人惋惜,但係「谢四」提前宣布离队,未尝唔係一件好事,除咗利记众将可以专心应付比赛,亦令到罗渣士有更多机会试下冇谢拉特嘅新阵式。虽然今季余下落嚟会不时坐冷板,但谢拉特今场应该会获派正选,向外界展示自己同「红军」已经收拾好心情,迎接下半季嘅挑战。

史达宁休息巴神担正
罗帅今战极有可能会收起部分主将,尤其係近排担任正箭头、成个圣诞档期都冇抖过嘅小将史达宁,好有机会斋坐喺后备席打气,畀番个正选位巴洛迪利,提升状态同信心。后防方面,上场停赛嘅史卡迪尔坐完波监,今战应可披甲,另一中坚洛夫云亦已伤愈,取代高路托尼扼守中路,务求以表现证明自己唔係「水货」。

温布顿主场冇威力
「红军」今仗对手AFC温布顿领队艾特利,早前话今晚场波会嗌班球员去到尽,但无奈呢班波近3次喺英乙主场出击,只係录得1胜2负,实力同利记差几班,爆冷难过登天。况且利物浦下任队长佐敦轩达臣话到明,为咗帮谢拉特喺5月30号生日捧起足总盃,赴汤蹈火都在所不辞,摆明当AFC温布顿冇到。「红军」今晚无论係球员定球迷,战意都爆晒灯,一于撑谢拉特,轻取对手晋级啦!

Data King:利物浦旺开大
?「红军」近3战角球都係开细。

?AFC温布顿近8战得1次半负。

?利物浦近5战有4次开入球大。

盘路解码
「红军」近10战得两场开角球大。


TAGS:

相关阅读

热点话题

热点文章