H体育 新闻> 首页 > 名报 > 港澳名家 > 正文 >

走肖:纳比睇死祖记 倒戈撑国米

2015-01-06 06:42:31点击:来源: 网络转载 反馈
导读:唔妥阿里基个个跳船
意甲歇冬后重开即有好戏上演,祖云达斯喺主场对国际米兰,唔似开到W。事关祖记近排战绩下滑,教练阿里基失晒民心,就连曾经带领斑马兵团横扫球坛嘅功勋教头纳比,都睇死佢哋会输波,掉转枪头撑...

唔妥阿里基个个跳船
意甲歇冬后重开即有好戏上演,祖云达斯喺主场对国际米兰,唔似开到W。事关祖记近排战绩下滑,教练阿里基失晒民心,就连曾经带领斑马兵团横扫球坛嘅功勋教头纳比,都睇死佢哋会输波,掉转枪头撑国米教练文仙尼,咁梗係要信纳比拣2.9倍「让球客胜」!

(TVB301台及中央5台周三凌晨4:00直播)

泰维斯拒续约 保罗普巴放风想走
纳比教过祖记同国米,加上佢嘅江湖地位,应该有唔少线眼。最近佢接受传媒访问,竟然话睇好国米喺呢场大战赢波,大家知啦,佢老人家带祖记嘅成绩劲好多,感情上肯定比较倾向撑斑马兵团,突然咁讲一定有理由,当中阿里基嘅领军能力差,睇怕係引起纳比不满嘅主要原因。

事实上,现时祖记喺联赛只係领先罗马3分,畀人追到气咳,而且喺圣诞前以互射12码不敌拿玻里,衰到连意超盃都输埋。可能知佢唔掂,近排祖记掀起跳船潮,除咗泰维斯讲明冇兴趣续约,连保罗普巴都放风想走人,一句讲晒,今年嘅祖记唔係前几年嘅祖记,再唔可以喺意甲打横行喇。

文仙尼够面子 气势士气唔输蚀
国米就唔同喇,文仙尼回归后暂时战绩的确唔算标青,但最低限度佢够面子,除咗纳比畀料撑佢,迪亚高米列图都话文仙尼好清楚点对付祖记,睇好国米赢波。何况文仙尼凼掂咗普多斯基加盟,靴兰尼斯同庄拿芬施些路又康复可以候命,气势同士气都唔输蚀,一于趁祖记唔掂踩多脚!

盘路解码
祖记近5场「让球主客和」4次输盘。

Data King:文仙尼回归国米易入波
?祖云达斯连续5场上半场不失。

?祖记经过连盃赛6连胜后,近5场得1胜4和。

?文仙尼回归后国米7场正式比赛取得2胜3和2负,得1场冇波入。

乜都玩锦囊:祖记慢热捧半场细
祖记气势回落,主要因为教练阿里基嘅战术,唔能够维持高入球数字,而且成队波表现慢热,上半场经常冇波入,搞到近8场有6场开半场入球细。假如大家觉得纳比把口撑国米,只係曲线捧祖记,唔想玩「让客」,就要1.45倍半场细啦!


TAGS:

相关阅读

热点话题

热点文章