H体育 新闻> 首页 > 名报 > 港澳名家 > 正文 >

格尔芬:爱华顿主W扑锤

2015-01-06 06:42:40点击:来源: 网络转载 反馈
导读:马天尼斯为咗份工必搏
今晚英总第3圈有场英超戏码上演,由爱华顿主场撼韦斯咸。「拖肥糖」近况颓到爆,领队马天尼斯嘅前途更盛传亮起红灯,不过「锤仔帮」亦唔好得去边,两大进攻猛将迪亚法沙高同高耶迪去咗备战非...

马天尼斯为咗份工必搏
今晚英总第3圈有场英超戏码上演,由爱华顿主场撼韦斯咸。「拖肥糖」近况颓到爆,领队马天尼斯嘅前途更盛传亮起红灯,不过「锤仔帮」亦唔好得去边,两大进攻猛将迪亚法沙高同高耶迪去咗备战非国盃,火力大减,一于撑爱华顿反弹,1.88倍主W抵玩!

(now621、633及660台周三凌晨3:45直播)

「拖肥糖」上季喺马天尼斯带领下,踢得有声有色,以第5完成赛季,差啲就踢到欧联,马天尼斯仲因为咁而得到5年新约添。可惜班波今季表现无以为继,跟同市死敌利物浦一齐沉沦,近期仲遭逢4连败,联赛排名跌到中下游位置。英国《每日电讯报》日前爆料,话爱华顿高层已经对马天尼斯失去耐性,今场再有咩三长两短的话,佢嘅帅位就真係危危乎啦。

两大猛将踢非国盃 韦斯咸锋力疲弱
好在爱华顿今场除咗后防重臣艾卡拉斯停赛之外,其他球员都可以候命。之不过,「锤仔帮」主帅艾拿戴斯就要为阵容而头痛嘞,事关射手迪亚法沙高同中场发电机高耶迪,因为要代表塞内加尔出战非国盃,已经离开咗英国,今仗无缘披甲,后衞汤坚斯又伤咗足踝,「锤仔帮」战斗力大减,爱华顿今次仲唔发围等几时?


TAGS:

相关阅读

热点话题

热点文章