H体育 新闻> 首页 > 名报 > 港澳名家 > 正文 >

阿占:流浪者主场硬净 胜利让波制唔过

2015-01-06 06:42:59点击:来源: 网络转载 反馈
导读:澳职喺亚洲盃休战前嘅最后一战,包尾嘅西悉尼流浪者主场对争标分子墨尔本胜利。双方都有主力入选澳洲国家队缺阵,牌面上固然係墨尔本胜利佔优,不过唔好睇小流浪者喺地头嘅战斗力,佢哋今季只係输过一次主场咋,「胜...

澳职喺亚洲盃休战前嘅最后一战,包尾嘅西悉尼流浪者主场对争标分子墨尔本胜利。双方都有主力入选澳洲国家队缺阵,牌面上固然係墨尔本胜利佔优,不过唔好睇小流浪者喺地头嘅战斗力,佢哋今季只係输过一次主场咋,「胜利」作客让波绝对冇着数,今场一于撑1.58倍「让主」!

(有线64、203周二下午4:30直播)

包尾流浪者签防中应急
西悉尼流浪者贵为亚冠盃盟主,不过到依家喺澳职竟然一场都未赢过排包尾,前排去摩洛哥踢世冠盃,更有中场巴古斯负伤而回,好在最近签入防中历克卡尔马应急,呢位前墨尔本城球星传送能力同经验都好好,应该可以好快融入流浪者嘅踢法。球会近期亦开始清理门户,率先将纪律同状态都有问题嘅巴西中场域陀沙巴雪藏兼挂牌,杀一儆百,睇吓其他球员仲敢唔敢懒懒闲!

话就话「流浪者」排包尾,但佢哋喺地头出战都有啲把握o架,今季联赛5场主场只输过1次,其他4场都和波收场,踢亚冠盃嗰3场主场更全部赢晒,足见喺地头有顽强战斗力。西悉尼流浪者今场有后防史柏拉洛域同前锋杜米祖历畀澳洲国家队徵召,但对方墨尔本胜利亦有队长、中场球员米利根被召唤,况且「胜利」经历过季初强势后,近3场联赛已经输咗2场,状态跌紧Watt,试问今场边让得起?

顶占笋盘:西悉尼流浪者(让球主胜)


TAGS:

相关阅读

热点话题

热点文章