H体育 新闻> 首页 > 名报 > 太阳报 > 正文 >

红魔搏到残 点攻「城」

2015-01-01 10:21:50点击:来源: 网络转载 反馈
导读:尹戈尔唔适应冲快车今晚最后一轮圣诞快车赛事,曼联将作客史笃城。虽然红魔最近连续9场不败,不过佢哋每逢作客演出都大打折扣,加上领队尹戈尔唔习惯咁密集嘅赛期,搞到一众魔兵打到残。今次佢哋作客仲要让半一,不...

尹戈尔唔适应冲快车

今晚最后一轮圣诞快车赛事,曼联将作客史笃城。虽然红魔最近连续9场不败,不过佢哋每逢作客演出都大打折扣,加上领队尹戈尔唔习惯咁密集嘅赛期,搞到一众魔兵打到残。今次佢哋作客仲要让半一,不如撑1.7倍下盘好过。

(now621台周四晚8:45直播)

史笃城箭头 高波地波都掂

史笃城喺呢次快车档期入面有3场比赛都係主场出击,嚟到最后一轮赛事体能点计都有优势。当中前锋马美迪奥夫、保赞同高治最近更轮住开炮,证明佢哋打高波定地波都咁掂,加上前者今次倒戈肯定加多两钱肉紧搏杀,计落的确有抢分本钱。

相反今晚已经係曼联近4战中第3场作客赛事,回唔切气真係唔出奇。况且尹戈尔似乎唔适应快车赛程,对上2仗竟然喺48小时内连续派出11位相同球员打正选,今仗红魔容乜易同上场斗热刺一样,一到下半场即刻跌Watt走样,就算中场安达靴里拉复出都唔帮得几多。更何况曼联今季作客表现麻麻,所赢2场都係靠运先砌低修咸顿、阿仙奴,呢铺要让波坚信唔过啰!


TAGS:

相关阅读

热点话题

热点文章