H体育 新闻> 首页 > 名报 > 太阳报 > 正文 >

师徒对决捧白礼顿让客

2015-01-03 09:21:26点击:来源: 网络转载 反馈
导读:西布朗「主」宰尾关今晚係足球博彩界嘅大日子,因为当今赌坛两大高手Matthew Benham同Tony Bloom,分别率领宾福特同白礼顿,喺英总第3圈正面交锋,业界对今仗极为重视,绝对唔係一场普通赛...

西布朗「主」宰尾关

今晚係足球博彩界嘅大日子,因为当今赌坛两大高手Matthew Benham同Tony Bloom,分别率领宾福特同白礼顿,喺英总第3圈正面交锋,业界对今仗极为重视,绝对唔係一场普通赛事,乐比就支持「师傅」Tony Bloom领军嘅白礼顿,捧1.72倍「让客」!

(开赛时间:周六晚11:00)

师傅投资球会阔绰 白礼顿准备冲超

白礼顿班主Tony Bloom係曼彻斯特大学数学系出身,据英国杂志《Inside Poker》报道,佢7岁开始赌徒生涯,大学毕业后任职韦德博彩公司驻泰国操盘手,02年创办博彩公司Premier Bet为佢赚到第一桶金,未计隐形资产,据报佢现时身家超过10亿镑(约119亿港元),而且出手仲相当阔绰,净係帮球会兴建新球场就用咗9300万镑(约11亿港元)。精通波盘嘅同时,Tony Bloom亦係扑克高手,赢过唔少职业赛事,同过老婆隐居澳洲潜修赌术,不过近年已隐姓埋名搞慈善,话佢係受万人景仰嘅「赌神」亦唔夸张。

仲有呀,无论财力、规模、人脚,佢哋都已有冲超嘅准备,但季初出闸脱脚,仲要畀死对头宾福特食住,Tony Bloom立即喺除夕宣布,请来经验丰富嘅前纽卡素及诺域治领队晓顿执教,首场领军正正係对宾福特,可见佢对今仗之重视程度。

宾福特兵源不足「快车期」见底

宾福特嘅最大股东Matthew Benham,同Tony Bloom关係曾亦师亦友。呢位牛津毕业生被誉为赌波界奇才,当年喺「师傅」创办嘅赌波公司担任trader,但后来自立门户开设赌波顾问公司,两人盛传因此而关係破裂,形同陌路。老实讲,宾福特作为升班马,依家喺联赛排第6己经超出预期,喺「快车期」连输两仗,兵源不足嘅致命缺点已表露无遗,乐比深信白礼顿可击败对手晋级,为班主挽回面子。

另一场推介係西布朗,亦係6宝金多宝尾关赛事,呢场波单棍买「主主」已足够。自从宣布由前史笃城领队佩尼斯执教后,西布朗士气大振,佩尼斯前日喺对韦斯咸赛前训话,都令佢哋成功抢得1分,今仗正式领军,主场对非联赛球队基斯赫德必大开杀戒,重建球队信心,捧1.55倍「主主」及1.56倍「让球主胜」好稳阵。

乐比推介

白礼顿(让球客胜)、西布朗(主主,让球主胜)


TAGS:

相关阅读

热点话题

热点文章