H体育 新闻> 首页 > 名报 > 太阳报 > 正文 >

厂仔丧攻补镬 侯城大难临头

2015-01-04 09:20:19点击:来源: 网络转载 反馈
导读:防线虾碌畀Fans闹爆英格兰足总盃爆发上届决赛翻版战,阿仙奴喺主场对侯城,追入球大最实际。近排兵工厂「防线天团」轮流虾碌,领队云格更加被冲落场嘅球迷当面「单挑」丧闹,咁失威,相信会趁侯城伤兵问题加剧,...

防线虾碌畀Fans闹爆

英格兰足总盃爆发上届决赛翻版战,阿仙奴喺主场对侯城,追入球大最实际。近排兵工厂「防线天团」轮流虾碌,领队云格更加被冲落场嘅球迷当面「单挑」丧闹,咁失威,相信会趁侯城伤兵问题加剧,落柯打整场入球骚嚟凼番班「枪迷」嘅!

(now621、633及660台周一凌晨1:30直播)

阿仙奴日前喺联赛作客以0:2不敌修咸顿,落后对方3分,争入前4名形势唔乐观,而且「防线天团」又有「新作」,除咗连环虾碌搞到险象环生,下半场哥斯尼同施捷斯尼更加搞出个超级大笑话,送大礼畀杜辛泰迪治射入,惨被敌对球迷疯狂耻笑。

蒙利尔 奥斯宾拿 取代「送礼孖宝」

虽然「送礼孖宝」哥斯尼同施捷斯尼嘅位置,据讲会被蒙利尔同奥斯宾拿取代,但「兵工厂」后防冇晒信心,的确係不争嘅事实,好难相信佢哋可以保持清白身。仲有呀,阿仙奴对修咸顿期间,有个球迷冲落球场兜口兜面闹云格,疑似不满佢嘅领军表现狂发烂渣,只不过係「教授」死口话呢个係修咸顿粉丝,搵鬼信咩?

係,虽然有消息指阿仙奴会收起阿历斯山齐士,基奥特停赛,韦碧克又话要养伤,但家阵云格瘀到上心口,照道理点都会吩咐其他球员踩行油入波,咪忘记后备杀手祖尔甘保质素唔曳,世界盃期间有办你睇啦,加上「兵工厂」连续14次对赛有波入,期间有12次开入球大,咁好路,冇理由唔追啰!

上届决赛翻版 侯城两大守将打柴

上届决赛侯城踢到加时先以2:3饮恨,但佢哋喺比赛初段曾经领先两球,今次再碰头,心态上肯定唔会惊班「厂仔」,最重要係佢哋件王牌射手谢拉域状态唔曳,近3战2场有士哥,靠得住吖!不过大家要留意一点,就係侯城两大守将侯度史东同罗仙尼亚伤咗,防线同阿仙奴一样咁曳,都係热捧1.54倍入球大最明智。

乜都玩锦囊:撑埋厂仔1.7倍半W

阿仙奴条防线的确係坚渣,而且兵工厂喺上届决赛一度以0:2落后侯城,饱食惊风散至能够喺加时反胜3:2捧盃,睇怕今次会尽可能先开纪录。睇埋对赛,阿仙奴通常都係先开纪录嘅一队,除咗入球大,「兵工厂」1.7倍半胜都值得吼实。

Data King:两军对赛厂仔例有士哥

旧年3次对赛全部开入球大。

阿仙奴近4次交手,有3铺先开纪录,场场有波入。

阿仙奴近7次主场出击保持清白身。

侯城近11场作客得1场胜仗,其馀4和6负。

盘路解码:阿仙奴近7战6开入球大。

英格兰足总盃赛制

今轮为第3圈,法定时间内打和将择日重赛。


TAGS:

相关阅读

热点话题

热点文章