H体育 新闻> 首页 > 名报 > 太阳报 > 正文 >

皇苏主场够巴闭

2015-01-04 09:21:15点击:来源: 网络转载 反馈
导读:砌低过「马德里双雄」今晚西甲有场大战,皇家苏斯达将会喺主场迎战巴塞隆拿。皇苏季初一直踢唔出应有水准,不过季中由「莫天才」莫耶斯领军之后,佢哋表现确係有改善,况且佢哋今季专打老虎,主场试过砌低对「马德里...

砌低过「马德里双雄」

今晚西甲有场大战,皇家苏斯达将会喺主场迎战巴塞隆拿。皇苏季初一直踢唔出应有水准,不过季中由「莫天才」莫耶斯领军之后,佢哋表现确係有改善,况且佢哋今季专打老虎,主场试过砌低对「马德里双雄」,今晚对住巴塞,话唔埋又会炮製爆冷赛果,一于支持3.7倍嘅皇苏「让球主胜」。

(now632台周一凌晨4:00直播)

其实自从莫耶斯接掌皇苏之后,班波稳定性明显好咗,只係输过一场波,无疑前线破关能力始终唔及上几季,原因同阿基列斯搵唔到射门鞋有关,虽然赛前莫帅话弗爆射手卡路士韦拿,未必踢到呢场大战,咁反而令到前锋艾费特芬保加臣有望正选披甲,随时同上仗有入波嘅中场简拿利斯,擦出新火花都未定。仲有呀,皇苏季初反胜皇马场波,可以话係技术性击倒,证明班波对强队特别醒神,喺地头对住巴塞相信亦会一样。

近5次主场对巴塞不败

巴塞早前被国际足协处罚,禁止喺转会市场买卖球员,意味嚟紧1年球队只会有出冇入。呢个负面消息,无疑对歇冬前保持10胜1和嘅巴塞带来一定影响。虽然巴塞只得华美伦1件伤兵,但丹尼尔伤都未好晒,美斯直情前晚先归队,况且唔讲唔知,原来皇苏自10至11球季升番上西甲开始,巴塞近5次作客未试过击败皇苏,计落都有成3年几,皇苏今季主场已经打低两只老虎(皇马,马体会),睇嚟今晚巴塞有难咯。


TAGS:

相关阅读

热点话题

热点文章