H体育 新闻> 首页 > 名报 > 新报 > 正文 >

祖记让主「米」已成炊

2015-01-06 09:03:27点击:来源: 网络转载 反馈
导读:祖记让主「米」已成炊 意甲深夜尾场上演褪色大战,榜首祖云达斯喺主场出击,面对日落西山嘅国际米兰可谓有赢冇输,虽然蓝黑兵团换帅冇耐,不过始终唔见起色,捧祖记「让主」梗係得「米」啦!(周二15,无綫网络电...

祖记让主「米」已成炊

意甲深夜尾场上演褪色大战,榜首祖云达斯喺主场出击,面对日落西山嘅国际米兰可谓有赢冇输,虽然蓝黑兵团换帅冇耐,不过始终唔见起色,捧祖记「让主」梗係得「米」啦!(周二15,无綫网络电视301频道周三4:00am直播)

祖云达斯虽然喺意超盃嘅12码大战中不敌拿玻里,但係佢哋喺90分钟嘅正式比赛当中,仍然保持紧11场不败,期间更一度打出个6连胜,难怪可以稳站意甲一哥位置。

马田卡沙利斯同埋卢卡马朗尼已经伤癒复操,有机会出现喺大军名单,而邦路斯就停赛完毕准备复出,换言之球队只係得番卡华禾艾沙姆同埋后备门将史度拉利两人肯定缺阵,好在钢门保方已经好番,所以斑马兵团亦冇后顾之忧,而前锋泰维斯虽然坚决唔续约,不过佢只係思乡病发想番祖国阿根廷落班,并唔係同球会有拗撬,故此唔会影响队内士气,正常发挥下,祖记3分稳袋。

国际米兰改由文仙尼执教之后,表现并冇太大起色,当中6场正式赛事只係取得2胜2和2负,早前同巴黎圣日耳门友赛亦输波,毕竟蓝黑兵团积弱已久,绝对唔係一时三刻可以反弹,唯有等球季完结大执再睇睇有冇得救。

普多斯基与队友欠默契

德国国脚普多斯基已经由阿仙奴来投,暂时未知佢会唔会落场,不过即使勉强披甲,同队友之间亦肯定欠缺默契,加上巴西中场靴兰尼斯同埋庄拿芬施些路有伤唔踢得,教练文仙尼想排强阵都冇可能,是役作客迪尔艾比球场等劏,让球主客和撑祖记开「让主」稳阵。


TAGS:

相关阅读

热点话题

热点文章