H体育 新闻> 首页 > 名报 > 新报 > 正文 >

拖肥上盘老少「咸」宜

2015-01-06 09:04:04点击:来源: 网络转载 反馈
导读:拖肥上盘老少「咸」宜 英格兰足总盃第3圈赛事,由爱华顿主场火併韦斯咸,两队近况都好差,想追打落水狗都唔知打边只,不过拖肥糖主帅马天尼斯面临被炒压力,预计佢班弟子会帮手开个平半上盘定惊。(周二13,no...

拖肥上盘老少「咸」宜

英格兰足总盃第3圈赛事,由爱华顿主场火併韦斯咸,两队近况都好差,想追打落水狗都唔知打边只,不过拖肥糖主帅马天尼斯面临被炒压力,预计佢班弟子会帮手开个平半上盘定惊。(周二13,now621、633及660台周三3:45am直播)爱华顿呢期食错药,英超连输4场,包括不敌修咸顿、史笃城、纽卡素同埋侯城,消息指领队马天尼斯已经有被炒压力,不过佢同班球员一直相处得好好,相信冇人会想佢离开,特别係当侯活受伤之后,担正把关嘅祖尔卢保斯係佢执教韦根年代嘅爱将,而前锋卢卡古亦係马天尼斯当初坚持以高价引入,为报知遇之恩,相信两人都会出尽九牛二虎之力,帮恩师打江山。另外,几位主力好似巴尼斯、巴克里、赖史密夫同埋比锡都冇伤冇病,主场出击值得信赖。韦斯咸缺首席杀手韦斯咸近况亦係五十步笑百步,虽然佢哋先后输俾车路士同阿仙奴都因对手实力太强,不过连败始终损士气,元旦日只能够喺主场赛和西布朗,就反映出球员欠缺信心,加上佢哋嘅首席射手迪亚法沙高有伤唔踢得,单靠入球率唔高嘅安祖卡路尔喺前面乱冲乱撞都唔係办法。

今场係足总盃第3圈赛事,两队都希望以一场胜仗重回胜轨,不过爱华顿始终佔地利,加上马天尼斯为保饭碗必施展浑身解数,所以拖肥糖让平手、半球唔过份,上盘玩得过。


TAGS:

相关阅读

热点话题

热点文章